O alumnado de Secundaria, participou a pasada semana nun concurso de "Cartas de amor", organizado polo ENDL do centro, para celebrármonos o Día de San Valentín, na nosa tradición: "O día do amor" adicado á amizade, ao amor fraterno e tamén, claro que si, ás relacións amorosas. Houbo moita participación, e a tarefa do Xurado, alumnas e alumnos de 4º de ESO, foi un pouco complicada, tanto que , en troques de haber un só premio, déronse tres, un para 2º da ESO, outro para 3º e outro para 4º .
 |
| XIANA PÉREZ QUIÑOA |
A gañadora do concurso foi Xiana Pérez Quiñoa de 3º de ESO, en 2º lugar Miguel Díaz Figueroa de 4º e o 3º para Desirée Troitiño de 2º de ESO. Foron agasallados o día 14, " Día dos namorados" con sendas caixas de bombóns, e para a gañadora ademáis un corazón representativo do noso agradecemento e afecto.
O xoves 13 pasamos unha hora lendo en voz alta, coa axuda de bos lectores e lectoras, no corredoiro da planta, onde estaban expostas as cartas de amor de tódolos participantes, e o día 14 pasamos unha xornada doce, pois houbo bombóns para tódolas participantes.
Grazas a todas e todos por participar!, e aquí vos deixo a galería de fotos, que xa sei que vos gosta moito vervos nelas.
Pouco a pouco irei publicando as cartas máis bonitas que participaron no concurso, empezando pola gañadora.
Apertiñas.
 |
| XIANA PÉREZ QUIÑOA |
http://centros.edu.xunta.es/ceipopombal/actividades_lim/entroido/entroido.html
A orixe desta controversia cantada ten que ver coa regueifa, que era un molete de pan -ou unha rosca de ovo e azucre- que antigamente se regalaba nas vodas aos convidados e aos mozos e mozas da parroquia non convidados (ou de fóra dela). A parte divertida consistía en "cantar a regueifa": un cantador dos de fóra da parroquia botaba unha copla meténdose cos de dentro, e entón un cantador da parroquia respondíalle. Iniciábase así entre os dous unha disputa dialéctica de coplas improvisadas cada vez máis incisivas, ás veces escarnecedoras para os noivos ou para as súas familias, de xeito que o certame poético podía rematar nunha pelexa. Por esta razón, os da casa escollían unha madriña para bailar a regueifa e armaren unha foliada salvadora. O regueifeiro gañador, aquel que cantaba a última copla, era quen tiña a honra de partir e repartir a regueifa.
Os temas da regueifas son variados, mais polo xeral, hai unha boa dose de humor ou retranca, o que fai que este tipo de cantares sexan moi divertidos para todos os públicos. A controversia entre os regueifeiros pode durar horas, e gáñaa o que canta a última copla. A regueifa é un xénero musical e popular que se está perdendo, ao igual que a cultura tradicional galega (contos, cantigas, refráns, algúns bailes...), pois normalmente non hai relevo xeracional por diversas razóns (urbanización e abandono do agro, diminución do uso da lingua galega nas novas xeracións, novas tecnoloxías...). Por estas razóns, son poucos os regueifeiros activos que quedan, mais hai algúns recuperadores e divulgadores deste xénero como Pinto d'Herbón ou Luís Caruncho, os cales acostuman impartir obradoiros en escolas e colexios.
O pasado día 30 de xaneiro,celebramos o Día escolar pola Paz, pero por mor da dichosa
