O pasado día 30 de xaneiro,celebramos o Día escolar pola Paz, pero por mor da dichosa"cicloxénese", non o poidemos celebrar todo o cole xuntos, coma tódolos anos no patio, por tanto, fixémolo por seccións.
Secundaria preparou un traballo moi interesante. Coñecemos en profundidade a figura de Nelson Mandela, 1º da ESO realizaron carteis onde amosaron a vida desta figura tan salientable. 2º da ESO escolleron frases de persoeiros famosos que consideraron as mellores para falar de Paz. 3º realizou un traballo sobre o Premio Nobel e o porqué da súa concesión a Nelson Mandela e 4º fixo o Manifesto en prol da paz que tendes no post anterior.
Ademais 3º e 4º adicaron a semana a percorrer a vida deste home de paz a través de películas que relatan e amosan a súa vida e obra, entre elas a famosa " Invictus".
Durante o acto vimos un documental sobre a vida de Madiba, e rematamos o acto cantando todos xuntos a canción de Antonio Flores: " No dudaría".
Aquí vos deixo a galería fotográfica do acto que celebramos no aula de Música. Hai que destacar que o cartel que ilustra este post foi realizado por alumnas e alumnos de 4º de ESO e que presidiu toda a semana da Paz.
GALERÍA DE FOTOS
https://www.dropbox.com/sc/jvpsnu56q1wc7a3/4QWqznBgGB
Ningún comentario:
Publicar un comentario